Киирии тыл. Мин талан ылбатаҕым бу кэмҥэ төрүүрбүн, бу омукка төрүүрбүн. Аҕыйах ахсааннаах омук дьылҕата диэн ынырык. Булугас эрэ өйдөөхтөрбүт дьол амтанын чахчы билиэхтэрэ, онтон үгүстэр суох. Кимнээх эрэ баҕарбатахтарын таһынан куйаары колонизациялыыр кэмҥэ түбэһэн төрүөхтэрэ. Ол кэмнэргэ «киһи бэйэтин баҕа санаата» диэн хаалбата буолуо, эн олоххун бүүс бүтүннүү барытын девайстар уонна искусственнай интеллектар быһаарар буолуохтара. Сорох сорохтор ИИ — лары кытары дьукаахтаһан олорон кырдьан, олохторун түмүктэрин булуохтара. Онтон мин технология саҥа сайдан эрэр кэмигэр төрөөбүт буолан чахчы билэбин киһи баҕарар баҕа санаата хантан уонна хайдах кэлэрин, оффлайҥҥа хайдах санаалаах, туохха өйөнөн киһи буоларгын эмиэ билэбин. Хомойуох иһин биһиги историяҕа саамай бүтэһик оффлайҥҥа улааппыт көлүөнэ дьоно буоллубут. Аны тус бэйэбит уонча сыл иһигэр бүүс бүтүннүү баҕа санааларбытын барытын корпорацияларга, ИИ эрэннэрэр буолуохпут. Ол буолуон иннинэ, чахчы бүтэһик оффлайҥҥа улааппыт киһи толкуйун, олоҕун туһунан суруйан хаалларабын бу.