b9429214301
b9429214301дәйексөз қалдырдыбылтырғы жыл
Бес уақыт намазға бас қойғаның!
- Ойласам бұл ханымның ақылы асты,
Қарашың дәл сіздей ме, жаман састы.
Мен түсімнен шошимын бүгін тағы,
Қолымнан жібек баулы сұңқар қашты!
- Мінезің ойлап тұрам жаннан қылап,
Келдің бе қотыр таймен мені сынап.
Қолыңнан жібек баулы сұңқар қашса,
Көргенде, қоян аңнан шабыт сұрап?!
- Қай адам Сарекендей ниетке жеткен,
Көп адам бізден бұрын өтіп кеткен.
Айрылдым қапияда сұңқарымнан,
Қолымнан абайсызда ұшып кеткен.
- Мұндар таз, бір сұмдық бар тіл-жағында,
Сен келдің қотыр таймен бұл шағында.
Қолыңнан абайсызда ұшып кетсе,
Қара орнында болғаны, хан — тағында.
- А, ханым, бір сөзіме жаңа жеттің,
Қай сөзіңді бұзайын мақұл деппін.
Мен түсімнен шошыдым тағы бүгін,
Түсімде бір тұңғиық суға кеттім.
- Құдайым енді саған деп береді,
Бойын салған базарға, жол көреді.
Жүруші ең әр нәрседен шолпы тартып,
Түпсіз тәңірім, дариядай мал береді.
- Ханым-ау, бұл ниетті ойға алайын,
Мәнісін тура тартпай не қылайын.
Жандап-жандап сөз айтсам жуытпайсың,
Тұпа-тура найзамды тік салайын!
- Мұндар таз, маған келдің қаның қашып,
Ант ұрған сені тұр ма қара басып!
Мен сенің қалжыңдасар кісің емен,
Немене айтар сөзің найзаласып?!
- Аңға да кеткен екен Сарекем-ау,
Таңертеңгі салқында.
Мінсіз бір туған жан еді-ай-ау,
Өнеге бойы қалпында,
Келімсек төре хан болып,
Балталының халқына,
Мұхтар Әуезов
Қозы Көрпеш - Баян сұлу
Пікір жазу үшін кіру не тіркелу
fb2epub
Файлдарды осы жерге салыңыз, бір әрекетте 5 кітаптан асыруға болмайды