Мұхтар Шаханов

Мүмкін, әлі алда талай бақытымды сынармын,
Сүрінермін, намысыма сүйенермін,тұрармын.
Ерік берсең орға жығып кетер бір күн асау қан,
Сақта тәңір қателікті біле тұра жасаудан

- Махаббат жоқ! — дедің тағы, —ол әншейін далбаса,

Ғашықпын деп,

Сүйемін деп,

Сенем деп,

Адамдардың бірін-бірі алдайтыны болмаса,

Махаббат жоқ, ол әншейін далбаса!

Махаббат ол — жан мен тәннің тізе қосқан ерлігі

Жылан туса жыланнан,

Құлан туса құланнан

Таңданатын түк те жоқ,

Бірақ жылан қалай туды қыраннан?

- Сіздіңше, ең ауыр жаза өлу ме?

Ауыр жаза — тірі қалып, өзінің

Тауысып бар төзімін,

Қателігін өз көзімен көруде,

Және оны түзетуге

Қолда билік жоқтығына көнуде.

Махаббатта бір-ақ заң бар,

Ол — адалдық заңы, ұлым,

Сол заңменен өлшенеді қарымың мен дарының.

Мен әкеңнің махаббатын сақтап қалдым мәңгілік,

Мен әкеңнің кір шалмаған арымын.

Шаттығыңды ала қашып ұры күн,

Бақыт оңай сипатпайды бұрымын,

Өткен шақтың бір қатесін түзеуге

Аздық етер кейде бүкіл ғұмырың.

Көлеңкеңнен алыс ұзап кете алмадың,

Ең шешуші кез келгенде, тілің тістеп тұрып қалдың.

Жүр едім өткен шақтың елесімен.