Саура, Кендірлі-Қиясай алқаптарын көтеріңкі тегіс қырлар алып жатыр. Қырдың (Үстірттің) биіктігі солтүстікте 300 метрден оңтүстікке қарай 60 метрге (Кендірлі-Қиясай) дейін еңістеніп төмендейді. Батыста қырдың жарлары теңізге тірелсе, шығыста Қарынжарық, басқа да Шығыс Маңғыстау ойыстарының кемерлері жиектеп тұрады.
Оңтүстік Маңғыстау үсті ірілі-ұсақты аласа төрткілдермен күрделенген. Олардың ішінен — Науарбудақ (158 м), Сарыкүл (140 м), Сұлутөрткіл (200 м), Соқыр (155 м), Сазды (214 м), Сарытөрткіл, Қантөрткілдерді айтып өтуге болады.
Оңтүстік-шығыс Маңғыстауда геологиялық құрылысы жағынан ерекшеленетін Тынымбай (227 м), Құнабай (267 м), Көлбай (322 м), Қарашек (194 м), Қарамая (209 м) сияқты шағын таушықтар бар.
Ағынсыз тұйық ойыстар. Тұйық ойыстар — Маңғыстауға ғана тән жер бедерінің формасы. Олардың пайда болуы жөніндегі ғылыми болжамдар