converted_file_ac2c2c40

Сүлеймен пайғамбардың сиқырлы жүзігінде:

«Бұл да өтеді» деп жазылған емес пе. Сабыр қыл, сап, сап!..

Ақын болу оңай деймісің, қарағым,
Аузында болу сыздаған барлық жараның...

Төлеген

"Біз бақытты кезеңде өмір сүріп отырмыз!"

Есесіне, біздегі он мың адамның бірі – кандидат, жиырма мыңның бірі – доктор. Әкім - министрлеріміздің әрқайсысы бес ғылымның докторы, он академияның академигі. Тоқал-секретаршаларына дейін ғылым кандидаты. Оқу-білімнің дамығаны сонша, қос дипломы барлар күзетші боп істейді, космонавтымыз жылқы бағып жүр!..

қазір керісінше, тоқшылыққа қарсы күресеміз. «Тамағы тоқтық, көйлегі көктік аздырар адам баласын» деп, Ұлы ақын айтқандай, тоқшылық кісіні аздырады, тойып тамақ ішкеннен семіріп, фигураң бұзылады, түрлі ауруға шалдығасың. Сондықтан үкіметіміз қамқорлық жасап, халықтың дені сау болсын, тамақты артық ішіп қойып денсаулығын бұзып алмасын деп, үнемі азық-түліктің бағасын көтеріп отырады. Күрмекбаев дейтін данышпан министріміз тіпті егін мол шыққан жылы: «Большой урожай – большая беда» деген мәңгілік мәтел шығарып, бидайды жинатқызбай қардың астына көмдіріп тастады!..

Біз деген, міне, қазақ болсақ та желдей есіп, тек орысша сөйлейміз. Жаппай сауатты, мәдениетті елміз. Парламентіміз де, үкіметіміз де түгелдей русша гәпірады. Көсемдеріміз Қытайға барса да, ООН–ың мінберінен әлемге ақыл- насихат айтса да түбін түсіріп орысша ұрады. Енді жаппай ағылшынша үйреніп жатырмыз. Көп өтпей ағылшын тіліне көшеміз. Жиырма бірінші ғасырда өз тіліңде, баяғы көшпенділердің от басы-ошақ қасы тілінде сөйлеген ұят емес пе, жүдә!

біздегі көсемдер де, депутаттар да, министрлер мен әкімдер де мәңгілік. Бір сендік пе – бітті, өліп қалмаса, отыра береді. Осындай мәңгілік сенім, мәңгілік сүйіспеншілік арқылы ғана «Мәңгілік ел» дейтін аңсарға жете аламыз!..

Бәрі біздегі дана басшылықтың арқасы ғой!

Бізде байлар қылмыс жасамайды. Өйткені осы жасыма дейін сотталған байларды көргемін жоқ. Біз демократияның ұлы принциптерін бұлжытпай сақтайтын елміз ғой. Тек сол шекті арам аяғымен аттағандар ғана аяусыз жазаланады. Мың-миллион көк қағаздың бетіне қарамай, ондайларды Лондон, Париж түгіл, жердің тесігіне кіріп кетсе де іздеп тауып, сазайын береміз!

Американың ала туынан дамбал киіп алыпты.