Өлеңдер мен аудармалар. І кітап, Абай Құнанбаев
Тегін
Абай Құнанбаев

Өлеңдер мен аудармалар. І кітап

Оқу
Алмат
Алматдәйексөз қалдырды4 жыл бұрын
ҚАЛЫҢ ЕЛІМ, ҚАЗАҒЫМ, ҚАЙРАН ЖҰРТЫМ
Қалың елім, қазағым, қайран жұртым,
Ұстарасыз аузыңа түсті мұртың.
Жақсы менен жаманды айырмадың,
Бірі қан, бірі май боп енді екі ұртың.
Бет бергенде шырайың сондай жақсы,
Қайдан ғана бұзылды сартша сыртың?
Ұқпайсың өз сөзіңнен басқа сөзді,
Аузымен орақ орған өңкей қыртың.
Өзімдікі дей алмай өз малыңды,
Күндіз күлкің бұзылды, түнде — ұйқың.
Көрсеқызар келеді байлауы жоқ,
Бір күн тыртың етеді, бір күн — бұртың.
Бас-басына би болған өңкей қиқым,
Мінеки, бұзған жоқ па елдің сиқын?
Өздеріңді түзелер дей алмаймын,
Өз қолыңнан кеткен соң енді өз ырқың.
Ағайын жоқ нәрседен етер бұртың,
Оның да алған жоқ па Құдай құлқын?
Бірлік жоқ, береке жоқ, шын пейіл жоқ,
Сапырылды байлығың, баққан жылқың.
Баста ми, қолда малға талас қылған,
Күш сынасқан күндестік бұзды-ау шырқын.
Оңалмай бойда жүрсе осы қыртың,
Әр жерде-ақ жазылмай ма, жаным, тырқың?
Қай жеріңнен көңілге қуат қылдық,
Қыр артылмас болған соң, мінсе қырқың?
Тиянақсыз, байлаусыз байғұс қылпың,
Не түсер құр күлкіден жыртың-жыртың.
Ұғындырар кісіге кез келгенде,
Пыш-пыш демей қала ма ол да астыртын?
Равиль Ашығалиев
Равиль Ашығалиевдәйексөз қалдырды3 ай бұрын
ҒАШЫҚТЫҚ, ҚҰМАРЛЫҚПЕН — ОЛ ЕКІ ЖОЛ
Ғашықтық, құмарлықпен — ол екі жол,
Құмарлық бір нәпсі үшін болады сол.
Сенен артық жан жоқ деп, ғашық болдым,
Мен не болсам, болайын, сен аман бол.
Көңілімнің рақаты сен болған соң,
Жасырынба, нұрыңа жан қуансын.
Бірге жаққан біреуге жақпаушы еді,
Сүйкімді тірі жанға неткен жансың?!
Ғашықтық келсе, жеңер бойыңды алып,
Жүдетер безгек ауру сықылданып.
Тұла бой тоңар, суыр — үміт үзсе,
Дәмеленсе — өртенер күйіп-жанып.
* * *
Madina
Madinaдәйексөз қалдырдыбылтырғы жыл
Күлкі баққан бір көрер бишаралық.
Әуелі өнер ізделік, қолдан келсе,
Ең болмаса еңбекпен мал табалық.
Той болса, тон киелік, жүр, баралық,
Бірімізді біріміз аударалық.
Ат арықтар, тон тозар, қадір кетер,
Күлкіні онша күйлеп, шуламалық.
Уайым — ер қорғаны, есі барлық,
Қиыны бұл дүниенің — қолы тарлық.
„Еһе-еһеге" елірме, бозбалалар,
Бұл бес күндік бір майдан ер сынарлық.
Салынба, қылсаң дағы сан құмарлық,
Алдында уайым көп шошынарлық:
Жарлылық, жалынышты жалтаң көздік,
Сүйкімі, икемі жоқ шалдуарлық.
Әсем салдық өлгенше кім қыларлық,
Оған да мезгіл болар тоқталарлық.
Равиль Ашығалиев
Равиль Ашығалиевдәйексөз қалдырды3 ай бұрын
ЖҮРЕГІМ, ОЙБАЙ, СОҚПА ЕНДІ!
Жүрегім, ойбай, соқпа енді!
Бола берме тым күлкі.
Көрмейсің бе, тоқта енді,
Кімге сенсең — сол шикі.
Жетім қозы — тасбауыр,
Түңілер де отығар.
Сорлы жүрек мұнша ауыр,
Неге қатты соқтығар?
Сенісерге жан таба алмай,
Сенделеді ет жүрек.
Тірілікте бір қана алмай,
Бұл не деген тентірек?
Жоқ деп едің керегің,
Топ жиып ең бір бөлек.
Кезек келер демедің,
Ендігі керек қай керек?
* * *
Равиль Ашығалиев
Равиль Ашығалиевдәйексөз қалдырды3 ай бұрын
ЖАРҚ ЕТПЕС ҚАРА КӨҢІЛІМ НЕ ҚЫЛСА ДА
Жарқ етпес қара көңілім не қылса да,
Аспанда ай менен күн шағылса да,
Дүниеде, сірә, сендей маған жар жоқ,
Саған жар менен артық табылса да.
Сорлы асық сарғайса да, сағынса да,
Жар тайып, жақсы сөзден жаңылса да,
Шыдайды риза болып жар ісіне,
Қорлық пен мазағына табынса да.
* * *
Равиль Ашығалиев
Равиль Ашығалиевдәйексөз қалдырды3 ай бұрын
БІЛЕКТЕЙ АРҚАСЫНДА ӨРГЕН БҰРЫМ
Білектей арқасында өрген бұрым,
Шолпысы сылдыр қағып жүрсе ақырын.
Кәмшат бөрік, ақтамақ, қара қасты,
Сұлу қыздың көріп пе ең мұндай түрін?
Аласы аз қара көзі айнадайын,
Жүрекке ыстық тиіп салған сайын,
Үлбіреген ақ етті, ашық жүзді,
Тісі әдемі көріп пе ең қыздың жайын?
Бұраң бел, бойы сұлу, кішкене аяқ,
Болады осындай қыз некен-саяқ.
Піскен алма секілді тәтті қызды
Боламын да тұрамын көргендей-ақ.
Егерде қолың тисе білегіне,
Лүпілдеп қан соғады жүрегіңе.
Бетіңді таяп барсаң тамағына,
Шымырлап бу енеді сүйегіңе.
* * *
Равиль Ашығалиев
Равиль Ашығалиевдәйексөз қалдырды3 ай бұрын
Бір сөз айтар
Хал жоқ,
Еріп кетер бой сол заман.
Ойыңды сен маған
Бір бөлмедің,
Тез келмедің
Мені іздеп.
Ішінде ыстық
Қан жоқ,
Тас бауыр жар, бол қош, аман!
Жар, сенің көңілің тоқ,
Ақ етіңді,
Нұр бетіңді
Меншікті
Қылмаған соң Алла,
Өзі сорлы етсе, амал жоқ.
Сен аттың жөнсіз оқ,
Тәңірі — қазы,
Тас таразы,
Тентекті Сұрамас деп
Қалма,
Серт бұзғанның, біл, орыны — шоқ.
Равиль Ашығалиев
Равиль Ашығалиевдәйексөз қалдырды3 ай бұрын
Жетпей өттің,
Не болды?
Арманда өмір
Өтті,
Ойлар ма екен бір мені сол?
Салдырап аяқ-қол,
Жетпей сертке,
Ішім дертке
Тез толды.
Ажал уақыты
Жетті,
Мен өлейін, сен сау-ақ бол.
Шын жүрек — бір жүрек,
Қайта толқып,
Жолдан қорқып
Айнымас,
Шегінісіп
Қайтпас,
Өлсе бір сөзбен, не керек?
Білесің, сен зерек,
Мен пәндеңе,
Болды деме,
Кел, қарас.
Ешкім сөгіс
Айтпас,
Рахым қылсаң, кел ертерек!
Шын ғашық мен саған!
Кейіп жүрсем,
Сені көрсем,
Ләм-мим деп
Равиль Ашығалиев
Равиль Ашығалиевдәйексөз қалдырды3 ай бұрын
СЕН МЕНІ НЕ ЕТЕСІҢ?
Сен мені не етесің?
Мені тастап,
Өнер бастап,
Жайыңа
Және алдап,
Арбап,
Өз бетіңмен сен кетесің.
Неге әуре етесің?
Қосылыспай,
Басылыспай,
Байыңа,
Және жаттан
Бай тап,
Өмір бойы қор етесің.
Ет жүрек өртенді,
От боп жанып,
Жалын шалып
Ішіме.
Иттей қормын,
Зармын,
Сен үздің ғой бұл желкемді.
Кім білер ертеңді?
Өлім айтпас,
Келсе, қайтпас
Кісіге.
Бүгінгі күн Бармын,
Жолдас еттің сен бөтенді.
Ғашықтық — қиын жол.
Жетсең — жеттің.
Равиль Ашығалиев
Равиль Ашығалиевдәйексөз қалдырды3 ай бұрын
БОЛДЫ ЖАНЫМ
Қор болды жаным,
Сенсіз де менің күнім,
Бек бітті халім,
Тағдырдан келген зұлым.
Тағдыр етсе Алла,
Не көрмейді пәндә?
Сайрай бер, тілім,
Сарғайған соң бұл дерттен,
Бүгілді белім,
Жар тайған соң әр серттен.
Қамырықты көңіл,
Қайтсе болар жеңіл?
Сағындым сені,
Көрмедім деп көп заман.
Адам деп мені,
Салмадың сен хат маған.
Жай таба алмай жүрек,
Жасыған соң сүйек;
Бұл қылған зарым
Барса жардың маңына,
Ол — қылған дәрім
Ғашығымның жанына,
Оңалдырып ойды,
Түзетпей ме бойды?
* * *
Газиза Арзыкулова
Газиза Арзыкуловадәйексөз қалдырды4 ай бұрын
БІЛІМДІДЕН ШЫҚҚАН СӨЗ
Газиза Арзыкулова
Газиза Арзыкуловадәйексөз қалдырды4 ай бұрын
МӘЗ БОЛАДЫ БОЛЫСЫҢ
Газиза Арзыкулова
Газиза Арзыкуловадәйексөз қалдырды4 ай бұрын
ІШІМ ӨЛГЕН, СЫРТЫМ САУ
Газиза Арзыкулова
Газиза Арзыкуловадәйексөз қалдырды4 ай бұрын
ЖЕЛСІЗ ТҮНДЕ ЖАРЫҚ АЙ
Газиза Арзыкулова
Газиза Арзыкуловадәйексөз қалдырды4 ай бұрын
ҚАРАША, ЖЕЛТОҚСАН МЕН СОЛ БІР-ЕКІ АЙ
Газиза Арзыкулова
Газиза Арзыкуловадәйексөз қалдырды4 ай бұрын
БІРЕУДІҢ КІСІСІ ӨЛСЕ, ҚАРАЛЫ — ОЛ
Газиза Арзыкулова
Газиза Арзыкуловадәйексөз қалдырды4 ай бұрын
ӨЛЕҢ — СӨЗДІҢ ПАТШАСЫ, СӨЗ САРАСЫ
Газиза Арзыкулова
Газиза Арзыкуловадәйексөз қалдырды4 ай бұрын
САБЫРСЫЗ, АРСЫЗ, ЕРІНШЕК
Газиза Арзыкулова
Газиза Арзыкуловадәйексөз қалдырды4 ай бұрын
ӨКІНІШТІ КӨП ӨМІР КЕТКЕН ӨТІП
Газиза Арзыкулова
Газиза Арзыкуловадәйексөз қалдырды4 ай бұрын
ҒЫЛЫМ ТАППАЙ МАҚТАНБА
fb2epub
Файлдарды осы жерге салыңыз, бір әрекетте 5 кітаптан асыруға болмайды