Таныстыру

Дулатов, Байтұрсынов, Бөкейханов,

Білемін бұл үш ердің айтпай жайын.

Кешегі қара күнде болмап па еді,

Бірі күн, бірі шолпан, бірі айым.

Көшбасшы адамдарын айтшы маған.

Меніңше, Ермеков деген бала,

Ұқсайды ұшқыр қыран қаршығаға,

Сорлымен соңғы нанын бөліседі,

Білгенін үйретуге алды әм бос

Айтпап па ем Сабатаев Сатылғанды.

Сатекеңдей жандардың бұл дүниеге,

Тууының мәнісін білемісің?

«Талантсыз құр оқумен түк болмайды»,

Жастар оны таниды «не как юрист»,

Таниды «как мелочный канцелярист»,

Обломовтың бірінің «типі» жақын.

Қазақ деп жекелеме адамзат де,

Ол кісінің пікірімен болсаң таныс.

Құдайберді баласы Шәкәрім,

Көп оқуы болмаса да туысы кәміл.

Жазған шежіре, жайған үлгі арқасында,

Ертеден бұл алашқа аты мәлім.

Кейбірі балалықпен адасады,

Адасумен баспайтын жер басады.

Катесін ұққаннан соң, ары кеміріп,

Жазаға өзін-өзі дарға асады.

Алса егер Толстойдың тәрбиесін,

Абай да көрсетер еді сондай кепті.

Туыс талант Абайдан жиырма есе,

Олардың артығы бар дей алам мен.

Абайды дейік биік бұлтқа жетті,

Аз ілімі жетуіне жәрдем етті.

Атақты Байтұрсынов «Мысалында»,

«Н-ға» деп өлең жазып, жайған даңқын.

Жүрмесін ешбір молда неке қиып,

Қыз он алты, ұл он сегіз жастан кемге.

Сұлулар өзің таңдап теңіңе бар,

Шал менен мал қолында болма пенде.

Жаратсын, әйел тисін еркек қылып,

Күнің туып қатарға кірші сен де.

Әйелді шалға беру, малға сату,

Болмасын мұнан былай ешбір жерде.

үкте жоқ, партия ғой бар жұмысы.

Райымжанмен екеуі бірге жүріп,

Съезде салған жоқ па жұртқа бүлік.

Туыссыз құр оқуға сүйенгендер,

Винті жоқ құр май құйған машинамен тең

Поштайдың айтпа бізге араққорын.

Елден кетіп, біреудің өлімін аңдып,

Қайынында үйірімен жүр ғой қаңғып.

Қазақта іс білетін кісі аздықтан,

Жүрсіңдер сүйемелеп жоқты бар ғып.

Онан соң Поштайұлы Мұқыш келер,

Білмеймін халық аузы бұған не дер.

Өзі юрист, жас жігіт жаңа талап,

Онан соң Ғаббасұлы Халел мырза,

Түрі емес, көрген адам сөзіне ырза.

Тап басар, әдісі көп артты ойлайтын,

Не аңқау, не болмаса емес қызба.

Жас жігіт университеттен оқып шыққан,

Халыққа қызмет парыз деп миына ұққан.