Оралхан Бокей. Жасын

- Құдай да өледі, періште де қателеседі дейсіз ғой, ендеше, жер жүзінде бірде-бір оқтаулы мылтық атылмай қалатын сиқырлы күш беріңіз. Адамдар жауыздың жазалауынан емес, өз өліммен көз жұмсын.

- Ондай күш бар, бірақ менің таң қалатыным, біздің пейішке келетін адамдардың жалқы-жаманын көрсем, көзім шықсын, бәрінің кепілдемесі біреу: «Жақсы адам еді, мезгілсіз қайтыс болды, қайтейік, сұм ажал айтып келе ме, арамыздан мұны да алды, топырағың торқа болсын»,— міне, сондықтан да о дүниедегі адамдардың ұрысы да, қарысы да, асылы мен ардақтысы да бірдей

Мал баққандар ғана ұзақ жасайды. Мал баққандардың түбіне жететін ой баққандар болар-ау.

Ескірмеген нәрсенің бәрі жақсы, тіпті не нәрсе көңілден де, көзден де қашаң тартқан сайын құндана бермек.

өзі жасамаған жақсылықтың қадір-қасиеті қашады екен;

Неге ғана сана жетілген сайын, азапты еңбекті азалы өлімге қару ғып жұмсаймыз?

пенде дегенің қанағатсыз да тұрақсыз — көңілі биікке шықса, аласаны, аласада тұрса, биікті көксейді де жүреді осылай;