3. Бизнес туралы канатты создер

Н.К. Рерихтiң нақылы: Қарт викинг Гримр достарымен бiр тойда отырып, кенет өзiнiң ұзақ өмiрi iшiнде бiрде-бiр шын досының болмағанын айтады: тұс-тұстан келiспеушiлiктер естiледi. Бiреуi айтады: «Қуғында жүргенде саған кiм көмек қолын созды. Бұл мен болатынмын». Екiншiсi айтады: «Жауларың үйiңдi өртеп кеткенде, жаңа үйдi сенiмен бiрге кiм салып едi. Мен». Үшiншiсi тұрып: «Ұрыста сенi кiм өз кеудесiмен қалқалады. Досыңды еске ал!» Гримр айтыпты: «сендердiң маған iстегендерiңнiң бәрi есiмде, бiрақ сендер менiң бақытсыздықтағы достарымсыңдар және мен сендерге осы үшiн ризамын. Бiрақ шындықты айтайын: бақытты кезiмде достарым болған жоқ. Ал мен өте сирек бақытты болдым. Бiрде аңға шыққанда корольдi құтқардым, ол менi бәрiнiң көзiнше құшақтап, нағыз ерсiң дедi. Барлығы маған жақсы сөздер айтты, тек достарым үндемедi. Сондай-ақ, менiң жасақтарым даниялықтарды тiзе бүктiргенде бақытқа бөлендiм. Менi халықтың құтқарушысы деп атады, бiрақ онда да достарымның жүрегi үнсiз қалды. Ару қызды үйiме кiргiзiп әйел еттiм, некемiз қиылды, бiрақ достардың сөзi жүректен шықпады. Адам бақыттылықта тау шыңында тұрған сияқты болады, ал адамдардың жүрегi төменгiнi көредi. Бақыттылықта ешқашан достар болмайды».

Ақыл ақылдан қуат алады

Бiз ақша салынған әмиянды жоғалтсақ қайғыра бастаймыз, ал басымызға келген, естiген немесе оқыған, егер бiз оны еске сақтап, өмiрде қолдансақ, көп жақсылық әкелетiн ғажап ойды жоғалтып алсақ немесе ұмытсақ, оның миллиондардан да қымбат екенiн бiле тұра онша қынжыла қоймаймыз.

(Л.Н. Толстой

Өз ойларыңды тiптi сәтсiздiк те қайсыбiр пайда әкелетiндей етiп ойластыр.

(Кардинал де Рец)

Ұрысты сыртынан көрсе, әркiм өзiн стратег санайды.

(Ш. Руставели)

Н.К. Рерихтiң нақылы: Әкбар әкiм жерге сызық сызып, өзiнiң кеңесшiсi Бирбалға бiр қарағанда шешiлмейтiн жұмбақ қояды: сызыққа тимей, оны не өшiрiп, не қысқарту керек. Бирбал үндеместен оның қатарына одан ұзынырақ сызық жүргiзедi, сөйтiп Әкбар сызған сызықтың бағасы кемидi.

Николай Рерих

Бiреулердi талқылағанды қоюға кеңес беремiн, оны қойсақ жарты күн босар едi.

Ұзақтығы мың мильдiк саяхат соңғы жалғыз қадаммен аяқталады.

Дәлелдеу ауыртпалығы терiске шығарушыға емес, пiкiрге сендiрушiге түседi.

(Апостол Павел)

Iске асырылғанша қаншама iстер мүмкiн емес деп саналды.

(Плиний - үлкенi)

Шын бақыт деген, ең алдымен, надандардың емес, бiлетiндердiң үлесi. Мысалы, өсiмдiктер өмiрi мен өсiмдiктер өмiрiнiң заңдылықтарын бiлетiн адам қандыағашты көктеректен немесе беденi жолжелкеннен ажырата алмайтын адамнан әлдеқайда бақыттырақ.