жақынырақ білуден, өзара түсінісе жүруден ұтпаса, ұтылмасы анық.
Міне, осындай ырықты орынға шыққан адами саналылықтың нәтижесінде, ХХ ғасырдың 80 жылдарына келгенде неше ондаған жылдар тарс бекітулі жатқан Кеңес Одағы мен Қытай шекарасы ашылды. Одан көп ұзамай Кеңес Одағы ыдырап, Қазақстан Республикасы өз тәуелсіздігін жариялады да, Қытаймен дипломатиялық қарым-қатынасқа (1992 жыл), достық, тату көршілік қатынасқа өзі шықты.
Биылғы жылдың (2014ж.) 3 қаңтарында Қазақстан мен Қытайдың дипломатиялық қарым-қатынас орнатқанына 22 жыл толды. Қытай Қазақстанның тәуелсіздігін ең алғаш мойындаған әрі дипломатиялық қарым-қатынас орнатқан мемлекеттердің бірі. Дипломатиялық қарым-қатынас орнатқаннан бері, екі елдің байланысы өзара сенім, теңдік, тиімділік, әріптестік негізінде, барлық сала бойынша бір қалыпты даму қарқынын сақтай отырып, осы аймақта, тіпті