bookmate game
Мұқағали Мақатаев

Өлеңдер жинағы. ІІ кітап

  • Малика Кудайбергенhas quoted4 years ago
    ДӘРІГЕРІМЕ

    Керегі жоқ,

    Керегі жоқ,

    Керегі жоқ бәрінің!

    Иненің де керегі жоқ,

    Керегі жоқ дәрінің!

    Кетсем егер пленканың үзілген бір әнімен,

    Қалсам егер қара жердің жалғыз түйір дәнімен.

    Дәрігерім, рақмет!

    Мен әзірге өлмеймін!

    Кешіре гөр!

    Жүрегімді пышағыңа бермеймін.

    Әуре болмай босат мені!

    Енді алдыңа келмеймін.

    Керегі жоқ, керегі жоқ,

    Пышақтауға көнбеймін!

    Қорықпаймын пышақтан да,

    Қорықпаймын инеден.

    Ине түгіл бұл жүректі найза дағы түйреген...

    Құпиямды көресің ғой, мен сондықтан именем,

    Кешір мені,

    Кешір мені!

    Кетем ертең үйге мен.

    Бауыр ісіп, бас айналып, бойда қаным тасыған,

    Бәріне өзім кінәлімін, оның несін жасырам.

    Көп нәрсеге қуанам да, көп нәрсеге ашынам,

    Ғылымға да, өзіңе де рақмет, бас ұрам!

    Уақытым барады өтіп, мен бір жаққа асығам...
  • Ұлан Несіпбайhas quoted21 days ago
    Дүниенің ағын да, қарасын да,

    Мыңқ етпейсің, қабылдап аласың да.

    Қарасымен шамаң жоқ таласуға,

    Ей, өмірім, зымырап барасың ба?
  • Ұлан Несіпбайhas quoted21 days ago
    Тағы да көрдім,

    Тағы да көрем таң нұрын!

    Аязын қыстың,

    Аяулы жаздың жаңбырын.

    Алтынға, мейлі, толмай-ақ қойсын сандығым,

    Ырзамын саған!

    Ырзамын саған, тағдырым!
  • Ботагоз Муратоваhas quotedlast year
    Өлгеннен сұра дер едім,

    Тірі жандарға,

    Өмір дегеннің не екенін.
  • Ботагоз Муратоваhas quotedlast year
    Өлгеннен сұра дер едім,

    Тірі жандарға,

    Өмір дегеннің не екенін.
  • Бауыржан Дуйсенбаевhas quotedlast year
    Несін!
    Несін?
    Несін маған кездестің?
    Мұңдасуға, сырласарға
    Таппадың ба өзге ешкім?!
    Өз мұңым бар,
    Оз сырым бар жетерлік.
    Екі мұңды арқалауға
    Енді, жаным, төзбеспін!
    Там-тұм ғана қуанышым,
    Тарам-тарам бар қайғым.
    Сырт көргенге ойсыз, мұңсыз,
    Салдыр-салақ жандаймын.
    Несін?
    Несін?
    Несін менен сұрайсың?
  • b6966344086has quoted2 years ago
    Сен айт менің ойымды айта алмаған
  • b6966344086has quoted2 years ago
    Ақын болсаң, алмас бол тайпалмаған!
  • b8333483499has quoted2 years ago
    Қаншама жан болғанмен соры қалың,
    Әйтеуір, саған бір күн жолығармын.
    Әзірге зарығармын, торығармын,
    Білемін, болар бір шақ жолығар күн.
    Мен сені сүймеймін де,
    Сүйген де емен,
    Тағдырдан шын сүюді үйренбегем.
    Жанымда лапылдаған жоқ махаббат,
    Тек қана тірлігім бар күйбеңдеген.
    Сүюден күйген ерін, күйген денем,
    Жаралы жолбарыспын киреңдеген.
    Арзанқол достарым көп, құрдасым көп,
    Мен сені сағынамын мұңдасым деп.
    Жоқ менің өліп-өшкен махаббатым,
  • Олжас Жиенкуловhas quoted4 years ago
    ТАҒЫ ДА МАЙГҮЛГЕ

    Қайтсем сенің құтылам елесіңнен?!

    Отырасың қасыма келесің де.

    Сен өлгенсің, жаным-ау, мен тірімін,

    Мен тірімін.

    Тірімін!

    Көресің бе!!!

    Көнген жаным жазаға, қазаға да,

    Өкпелеме,

    Сен енді жазалама.

    Шын болса, табысармыз ахиретте,

    Әзірше, жаным, мені мазалама!..

    Мен деген — тірі жанмын,

    Сен — елессің.

    Білесің ғой, өлтірген мен емеспін.

    Мен үшін артық емес сенен ешкім,

    Бірақта сен — елессің,

    Сен — елессің!

    Араша тұра алады кім өлімге,

    Жата бер мені күтіп түнегіңде.

    Әзірге тірі жүрсем бұл өмірде,

    Сенің орның оңаша жүрегімде.

    Майгүлім, гүлім менің, көгім менің!

    Жүрегін қияр дейсің өлімге кім.

    Сен — менің жүрегім ең.

    Дегенменен,

    Елессің, енді маған көрінбегін...

    28.XII.1974.
fb2epub
Drag & drop your files (not more than 5 at once)