Махаббатты қорғау

От боп өртеп ғашықтықтың ықпалы,

Ән қостыңдар...

Жұрт қуана құптады.

Талпындыңдар,

Алқындыңдар, ал бірақ

Одан Қозы, сенен Баян шықпады.

Неге бұлай?

Өмір бақи бұл сұрақ

Өтер, мүмкін, намысыңды шымшылап.

Ең шешуші кез келгенде, тілің тістеп тұрып қалдың.

Еңселім деп ойлаушы едім

Еркелеуші ем ерге балап,

Ең шешуші кез келгенде тұрып қалдың жерге қарап.

Артық қорлық бар ма әлемде сенгеніңнен безінуден,
Құлай сүйген адамыңның осалдығын сезінуден...